IDAZLANAK

ARGUDIO TESTUAK

             FUNTZIONARIEI BURUZKO ARGUDIO TESTUA        

Gaur egun, jende gehienak funtzionarioen zeregina kolokan jartzen du. Ordura arte, funtzionario gehienak beste langileak baino abantaila gehiago izan dituzte: postu finkoa bat, soldata finko eta altu bat, jai egun dexente … Eta azken urte hauetan, haien aurkako kritikak areagotu izan dira krisialdia dela eta.

Egia da funtzionarioek  besteak baino abantaila gehiago dituztela beren lanetan. Baina baita ere esan beharra dago lan postu hori lortzeko bere lana egin behar izan dutela. Oposizio batzuk egin behar izan dituzte aurretik eta oposizio haietatik hoberenetariko nota lortu.

Hala ere, toki guztietan bezala gehiegikeriak daudela uste dut. Askok, funtzionarioek dituzten abantailez aprobetxatzen dira: denbora guztia beren egin beharrak egin ordez beste edozein gauza egiten denbora pasatzen ibiltzea, denbora alferrik galtzea, jai egunak nahi dutenean hartzea (“zatoz bihar sindromea”) … hortaz komenigarria ikusiko nuke gobernuak zenbait neurri ezartzea hori kontrolatzeko. Hala nola, Frantzian egiten dena. Bertan lana ongi burutzen duten funtzionarioei soldata igotzen zaie, bestela ez.

Horretaz gain, jendea askotan ideiak nahasten dituela uste dut. Funtzionarioetaz hitz egiten dutenean bulegoetako edo administrazioetako pertsonak etortzen zaie burura.  Baina funtzionarioak beste hainbat eremutan ere badira: hezkuntzan, medikuntzan, liburutegietan, kaleetan, etab … Gehienak ordu asko sartzen dituzte lanean, beren egin beharrak ahalik eta hobekien egiten saiatuz.

Guzti honetatik ateratzen dudan ondorioa, funtzionarioen artean beste langileen artean bezala gertatzen da: bada bere lana modu egokian egiten duena eta ahalik eta gutxien egiten saiatzen dena. Hau kontrolatzeko modurik onena kontrol batzuk ezartzea izango litzateke nire ustez.

       FUTBOLA       

Futbola munduko kirol ezagutuenetarikoen artean aurkitzen da. Nor ez du ezagutzen Messi eta Cristiano Ronaldo jokalariak? Nor ez du ikusi Barça- Madrid partidu bat noizbait?

Egia da futbola oso entretenigarria dela. Lagunekin, familiarekin, seme-alabekin, edozein pertsonarekin … ongi pasatzeko aukera bikaina izain daiteke. Baina ez dut uste eman behar zaionik lurralde honetan ematen zaion garrantzia.

Lehenik, uste dut jendeak denbora gehiegi ematen duela futbola ikusten. Gazteen artean oso ohikoa da etxean gelditzea futbola ikusten. Arazoa ez da partidu bat ikustea, baizik eta jendea bi edo hiru partidu astebururo ikustea. Denbora hori telebistaren aurrean igaro ordez, lagunekin edota bakarrik beste edozein gauza egin zezaketen.

Jarraitzeko, estatuak futbolean inbertitzen duen dirua gehiegizkoa dela uste dut. Futbol talde ia guztiak diru zor handiak dituzte.

Azkenik, jendeak futbola eta futbol talde baten zalea izatea hain barneratuta dauka konflikto eta gatazka asko sortzen direla bata eta besteen artean. Askotan biolentziara ailegatu dira arazo horiek.

Laburbilduz, futbola egokia ikusten dut baina puntu bateraino. Oso kirol dibertigarria izan daiteke, baina muga batzuk jarri behar dira. Ez gara biolentziara eta gatazketara ailegatu behar, ezta behar baino garrantzia gehiago eman.

GAI BATEN INGURUKO IDAZLANA

   “HAUSTEKO DISEINATUA” TESTUARI LOTUTAKO    IDAZLANA

Testuan aipatzen den bezala, zaharkitze programatua gure eguneroko bizitzan dagoen fenomeno garrantzitsua da. Izan ere, diru kontsumo handi bat suposatzen zaigu eta ez genuke hau onartu behar.

 Honekin lotutako esperientziak bizi izan ditugu etxean. Horietako bat mikrouhinak-rekin lotuta. Orain dela 5 urte inguru mikrouhinak izatea erabaki genuen etxean. Dagoeneko bi apurtu zaizkigu. Baina ez zen apurtu gure erruarengatik, noski. Bi kasuetan, bat-batean funtzionatzeari utzi zion. Garbigailuarekin berdina gertatu izan zitzaigun hainbat kasutan. Azkenean, zaharkitze programatu horrekin diru gehiegi gastatu dugu gauzak behin eta berriz erosten. Gainera aparatu horietako batzuk beharrezkoak ditugu etxean gure beharrak asetzeko, zer gertatuko litzateke dirurik edukiko ez bagenu? Egoera hau lotsagarria iruditzen zait eta bereziki posiblea delako arazoa konpontzea.

Egia da bakoitza dirua lortzeko metodo desberdinak dituela. Baina ez nago bat ere ados bestei beharrak sortuz edo besteen beharrekin jolastuz etekina ateratzea. Arauren bat sortu beharko lukete.

Horretaz gain, fenomeno hau, teknologian, atzera pausu bat dela iruditzen zait. Gauzak modu egokian egiten ahal badugu zergatik gaizki egin? Gauza bat apurtzeko diseinatzea, gauzak ahalik eta hobeto ez egitea da. Teknologiak geroz eta hobeagoak izatea nahi badugu, aspektu guztietan hobeago izan beharko lirateke. Ez bakarrik eskaintzen dituen gauzetan, baizik eta izango duen erresistentzia eta iraupena ere.

Laburbilduz, ez nago batere ados zaharkitze programatuarekin eta lehen bai lehen irtenbide bat bilatu behar zaiola uste dut.

DESKRIBAPENAK

    JANZKERA     

Normalean ohiko gauzak egiteko , hots, klasera joateko, erosketak egiteko, etxean egoteko ... eroso egiten zaidan arropa eramatea gustatzen zait. Etxean batez ere arropa zaharra janzten dut, zikindu daitekeena. Klasera eta kalera joateko gehiago apaintzen naiz.

 Hotza ez dut bat ere jasaten, beraz neguan karela irteten naizenean ia beti lepoa estalita daramat fular edo bufanda batekin. Hori dela eta, etxean fular desberdin asko eta kolore desberdinetako hiru bufanda ditut (txuria, granatea eta horia). Eskularruak ere beti nerekin eramaten ditut denbora guztian, eskuetatik hotz asko sartzen zaidalako beti. Joan den urtean eskuzorro (“manoplak”) marroi batzuk erosi nituen eta hainbeste gustatu zitzaizkidan eskularruak baino gehiago erabiltzen ditudala.  Horretaz gain, gehienetan  beroki marradun bat paratzen dut. Euria egiten duenean aldiz, “Carhartt” markako berokia janzten dut.

Udan, galta motzak “short´s” deiturikoak eta gonak janzten ditut. Kamisetei dagokionez, tirantedunak dira ia guztiak. Oinetan, txankletak eramaten ditut gehienetan, bestela sandalia marroi batzuk. Igerilekura noanean, arropa azpian beti bikinia jantzita eramaten dut.

Orokorrean, lehen beti belarritakoak eramaten nituen ere, baina belarrian mina egiten zidatenez orain ez ditut inoiz jartzen. Hala ere, beti lepoko bat jantzita eramaten dut. Batez ere bolazko lepokoak gustuko ditut.

Kirolari dagokionez, saskibaloira jokatzen dut Burlatako talde batean. Entrenamenduetara joaten naizenean kirolerako galtza motzak eta tirantedun kamiseta handiak janzten ditut. Partiduetan aldiz, Paz de Zigandako saskibaloi jantzia  paratzen dut.

 NIRE AHIZPAREN DESKRIBAPENA (FISIKOA ETA NORTASUNA) 

Nire ahizpa Goizaneren deskribapena egingo dut. 22 urteko neska bat da.

Garaierari dagokionez ez da neska oso handia, aitzitik, txiki samarra da. Gutxi gora behera 1´60 metro neurtzen du. Gizen antz dauka baina bere tamaina txikiarengatik. Hankak, zabalak eta muskuludunak ditu txikitatik kirolaria izan delako.

Gaztaina koloreko hile luze eta kizkurtua dauka. Bere begiak marroiak dira ere, baina tonu argiagoa daukate. Sudurra amarena bezalakoa da, txikia, borobila eta lodi samarra. Ezpainak fin-finak ditu, ama bezala ere.

Goizaneren izaera eta nirea oso antzekoak dira jende askoren ustez. Izan ere, biak gauza berdinaz barre egiten dugu eta oso sinpleak gara. Bien irrifarrea, hain zuzen ere, berdina da. Beti oso bihotz oneko pertsona dela iruditu zait. Baina haserretu egiten denean oso jenio txarra dauka. Hala ere, gure arteko harremana oso ona da eta askotan lagun bat bezala ikusten dut.

Horretaz gain, oso neska argia eta langilea da. Ikastolan eta institutuak nota oso altuak ateratzen zituen. Ikasketetan duen erraztasuna dela eta, unibertsitatera ailegatzerakoan zailtasunik gabe atera egin zuen gradua. Txikitatik irakasleak oso neska arduratsua zela esaten du eta irain ere oso arduratsua izaten jarraitzen du.

Lagunekin igarotzen du ia denbora guztia eta ahal duen guztietan parrandan ateratzen da. Etxeko "juergista" dela esaten diogu.

                  LAGUN BATEN DESKRIBAPENA     

Deskribatuko dudan pertsona,nire koadrilako 20 urteko mutil bat da.

Garaierari dagokionez, oso mutil handia dela esango nuke. Betidanik, oso kirolari ona izan da. Hortaz, gorputza gihartsua eta sendoa dauka. Tenisera jokatzen duenez, bere besoetako giharrak oso garatuak ditu. Bastez ere, eskuineko besokoak.

Bere ilea marroi argikoa da. Begiak, aldiz, kolore berdekoak dira. Ezpain lodiak eta arrosa kolorekoak ditu. Aurpegian maiz, pikorrak ateratzen zaizkio. Udan, hondartzan ematen du egun osoa. Ondorioz, oso beltzarana jartzen da. Ilea, gainera, eguzkiarekin asko argitzen zaio.

Izaerari dagokionez, betidanik oso mutil langilea izan da. Etxeko-lanak eguneratuak eramaten ditu eta azterketetarako beti asko ikasten du. Beti oso nota altuak atera dituenez, orain, karrera zail bat burutzen ari da. Hala ere, nahiz eta asko ikasi, libre duen momentu bakoitza lagunekin egoteko aprobetxatzen du.

Oso langilea izatez gain, oso pertsona dibertigarria da nire ustez. Harremanak egiteko orduan ez ditu inoiz zailtasunak izan. Oso irekia da, eta lotsarik ez duela esango nuke. Txikiak ginenean txisteak etengabe kontatzen zituen, gehienetan bera sortutakoak. Egun, txiste txar berdinak kontatzen jarraitzen ditu.

HISTORIOA

Mutua , otsoa, beruna, BEZa (iva), gurdia, informatikaria, ttarrapatta (gauzak azkar egiten dituena, baino txarto xamar), eztia, hauta (bikaina, oso ona),  begi bakarra, erreka zolan (“completamente aurrionado”), iharra ( persona mehe-mehea), sosa (dirua).

Bazen behin herri txiki batean, mutua zen amona bat. Herria Otsoa izena zuen eta bertan berun lantegi bat zegoen .Lantegi hartan, herriko biztanle guztiak lan egiten zuten. Baina lantegi hori desabantaila handi bat zuen, han lan egitea gaixotasunak eragiten zien langileei. Amona ere bertan lan egin zuen gazte izan zenean eta hainbeste urte lan egiteagatik oso gaixorik zegoen. Diru asko gastatzen zuen medikuetan eta medikamentuetan. Ondorioz, BEZa ordaintzeko dirurik gabe gelditzen zen beti.

Egun batean, bankuko pertsona batzuk amonaren etxera joan ziren ez ordaindutako BEZa guztia kobratzera. Amona dirurik ez zuenez, ihes egin zuen gurdiarekin bankukoak ikusi gabe. Ihes egiten zuen bitartean plan bat pentsatu zuen. Bere seme informatikariaren etxera joan zen eta hari pentsatutako plana kontatu mimikaren bitartez zion. Ttarrapattaka, zera kontatu zion: Herri ondoko mendian aurkitzen zen basoan erle asko zeuden. Erle horiek egiten zuten eztia hauta zen amonak zuen gaixotasuna sendatzeko. Orduan, baso horretara joan behar zuten bertako eztia hartzeko eta amonak hartzeko. Modu honetan sendatu egingo litzateke eta dirua izango luke bankuko pertsonei ordaintzeko. Arazo bakar bat zegoen, erraldoi begi bakar bat zaintzen zuela basoa. Hala ere planarekin aurrera egin zuten.

Plana egiten ari zirela, erraldoiak amonaren semea harrapatu eta jan egin zuen. Amona beldurrez beterik korrika alde egin zuen. Herrira bueltatzean, bere etxea ez zegoela ikusi zuen emakumeak. Bankukoek ez ordaintzeagatik kendu egin bait zioten. Geroztik amona erreka zolan gelditu zen, geroz eta iharragoa bihurtuz eta sosarik gabe.

PELIKULA BATEN LABURPENA

  "LORAX: EN BUSCA DE LA TRUFULA PERDIDA"  

Ikusi izan dudan azken pelikula Lorax da. Lorax haurrei zuzendutako pelikula bat da. Hona hemen pelikularen haria: 

Ted ThneedVille hirian bizi den gazte bat da. ThneedVille, plastikozko hiri bat da non zuhaitzak ez dira existitzen. Beraz, hiria burbuila baten antzekoa da,  bertako biztanleria naturatik isolatu egiten duena. Natura eza horrek, oxigeno falta egotea eragiten du. Egoera horretaz Sr Alisios O´Hare baliatu egingo da biztanleei oxigeno botilak saltzeko. Gizon hau, hiriaren jabea bilakatuko da eta hiri oso kameraz beteta izanen du jende guztia ongi kontrolatzeko.

Istorioa hasiko da, Ted Audrey izeneko neska batetaz maitemintzen denean. Audrey, natura miresten du eta bere ametsa zuhaitz bat ikustea da. Ted, Audrey maitemintzeko helburuarekin, zuhaitz baten bila joanen da. Zuhaitzak trufula izena dute. Bere amona lagunduko dio abentura horretan, txikia zenean Trufulak ikusi izan zituelako. Trufula lortzeko ,hiritik kanpo ateratzen da. Handik ez oso urrun etxe bat aurkitzen da non gizon zahar eta bakarti bat bizi da. Pertsona hau,  “Una vez” izenarekin ezagutzen da. Gizon horrek, bere bizitza kontatzen hasten dio Ted-i. Dirudienez, bera izan zen zuhaitz guztien desagerpenaren arduraduna. Egindakoa konpontzeko asmoz, trufula baten hazia ematen dio Ted-i. Hiri erdian landatzeko esaten dio, guztiok ikusi dezaten. Ted geroz eta zailtasun handiak izango du bere helburua burutzeko. Izan ere, O´Hare jauna zuhaitzen desagerpenaren alde dago bere negozioa horri esker aurrera doalako. Beraz, O´Hare bere eskuan duen guztia eginen du Ted-en  helburuarekin amaitzeko. Trufula hazia kentzen saiatzen da.

Azkenean Hiriaren erdian trufula landatzea lortzen du. Ondorioz, hiri guztia zuhaitzen garrantziaz kontzientziatu egiten da. Ted, noski, Audrey beraz maitemintzea lortzen du.

AITZITIK / OMEN

  AITZITIK  

·                     Atzo Amaiarekin haserretu egin nintzen. Ez naiz bere atzetik joanen barkamena eskatzeko. Aitzitik, hemen eserita ezer egin gabe geldituko naiz gaizki sentitu dadin gertatutakoarengatik. Orduan,  bera etorriko da niregana barkamena eske.

k          Asmatutako esketx bat:

           - Bihar Amaiaren ustebetetzea da, zer oparituko diozu?
          + Belarritako batzuk erostua pentsatu dut.
          - Amaiari ez zaizkio belarritakoak gustatzen. Aitzitik,  gorroto egiten ditu.
          + A! Orduan lepoko bate rosten badiot gustatuko zaio?
          -Bai! Ze ideia ona!

  OMEN  

·         Beste egunean Mirenekin topatu nintzen kalean. Oso haserre omen zegoen. Koadrilako batzuk zinemara joan omen ziren Mireni abisatu gabe. Mireni horrelako gauzak oso gaizki sentiarazten diote. Traizionatuta sentitzen omen da.

AZALPEN TESTUA

  GERTATUTAKO ZERBAIT  

       

           Udan Tarifara joan nintzen. Tarifa, Kadizeko probintzian aurkitzen den hiri polit bat da. Toki hau oso ezaguna da egiten duen haize indartsuarengatik. Ondorioz, jende pilo bat bertara joaten da surf egitera. Kitesurf eta windsurf egitera bereziki. Tarifara iritsi ginen lehengo egunean fenomeno hau ikustera joatea erabaki genuen. Horretarako Valdevaqueros hondartzara joan ginen. Hondartza hau, ikusi izan dudan hondartzarik luzeena da. Baina hori ez zen atentzioa gehien deitu zidana. Airean egan egiten zeuden kometa guztiak izan ziren gehien harritu ninduena. Izan ere, hondartza osoan zehar jendea kite surf egiten zebilen. Bertan egon nintzen egunetan zehar ez nuen kirol hau egin, baina asko disfrutatu nuen besteak nola egiten zuten ikusten.